തദ്ദേശ തെരഞ്ഞെടുപ്പിന് ഹരിതമാനദണ്ഡം ഉറപ്പാക്കാന് ശുചിത്വമിഷന്റെ സഹകരത്തോടെ സുല്ത്താന് ബത്തേരി ഡോണ് ബോസ്കോ കോളേജ് വിദ്യാര്ത്ഥികള് ഫ്ളാഷ് മോബ് സംഘടിപ്പിച്ചു. തെരഞ്ഞെടുപ്പ് പ്രചാരണത്തിനും വോട്ടെടുപ്പ് ദിവസവും പ്ലാസ്റ്റിക്, ഡിസ്പോസിബിള്, നിരോധിത പ്ലാസ്റ്റിക് വസ്തുക്കളുടെ ഉപയോഗം പൂര്ണ്ണമായി ഒഴിവാക്കേണ്ടതിന്റെ ആവശ്യകത ജനങ്ങളിലേക്ക് എത്തിക്കുകയെന്ന ലക്ഷ്യത്തോടെയാണ് ഫ്ളാഷ് മേബ് അവതരിപ്പിച്ചത്. സുല്ത്താന് ബത്തേരി പഴയ ബസ് സ്റ്റാന്ഡില് സംഘടിപ്പിച്ച പരിപാടിയില് വിദ്യാര്ത്ഥികള്, അധ്യാപകര്, ജില്ലാ ശുചിത്വമിഷന് ജീവനക്കാര്, സമ്മതിദായകര് എന്നിവര് പങ്കെടുത്തു
