മുട്ടിൽ:കേരള വ്യാപാരി വ്യവസായി ഏകോപന സമിതി മുട്ടിൽ യൂണിറ്റ് ചൂരൽമല മുണ്ടക്കൈ ദുരന്തത്തിൽപ്പെട്ട ഒരു കുടുംബത്തിന് നിർമിച്ചു നൽകുന്ന സ്നേഹ വീടിൻ്റെ തറക്കല്ലിടൽ വ്യാപാരി വ്യവസായി ഏകോപന സമിതി വയനാട് ജില്ലാ പ്രസിഡൻ്റ് ജോജിൻ ടി. ജോയ് നിർവഹിച്ചു. മുട്ടിൽ പഞ്ചായത്തിലെ പറളിക്കുന്ന് സംഭാവനയായി ലഭിച്ച 7 സെൻ്റ് സ്ഥലത്ത് 13 ലക്ഷം രൂപ ചെലവിൽ രണ്ട് ബഡ് റൂം , കിച്ചൻ, ഡൈനിങ് ഹാൾ, സിറ്റൗട്ട് , ബാത്ത് റൂം , കുഴൽ കിണർ അടക്കമുള്ള സംവിധാനത്തോടെയാണ് സ്നേഹ ഭവൻ നിർമിക്കുന്നത്. മുട്ടിൽ യൂണിറ്റ് പ്രസിഡൻ്റ് അഷറഫ് കൊട്ടാരം അധ്യക്ഷത വഹിച്ചു. സെക്രട്ടറി റഫീക്ക് അനുഗ്രഹ , ട്രഷറർ ഷാജി അശോകൻ, സലിം കവേരി , സലാം നീലിക്കണ്ടി, സെയ്നുദീൻ പറളിക്കുന്ന് , താരിഖ് കടവൻ എന്നിവർ സംസാരിച്ചു.
