തിരുവനന്തപുരം: തദ്ദേശ തെരഞ്ഞെടുപ്പ് ഫലം നല്കിയ ആത്മവിശ്വാസത്തില് നിയമസഭാ തെരഞ്ഞെടുപ്പിന് ഒരുങ്ങി കോണ്ഗ്രസ്. നിയമസഭാ തെരഞ്ഞെടുപ്പിനായുള്ള സ്ഥാനാര്ഥികളുടെ പട്ടിക ഫെബ്രുവരിയില് പ്രഖ്യാപിച്ചേക്കും. പ്രതിപക്ഷ നേതാവ് വി ഡി സതീശന് നയിക്കുന്ന യുഡിഎഫ് സംസ്ഥാന പര്യടനത്തിന്റെ സമാപനത്തോടനുബന്ധിച്ച് സ്ഥാനാര്ഥികളെ പ്രഖ്യാപിക്കാനാണ് നീക്കം.
യുഡിഎഫിന്റെ തെരഞ്ഞെടുപ്പ് പ്രകടന പത്രിക തയ്യാറാക്കുന്നതിന് മുമ്പ് പൊതുജനാഭിപ്രായം തേടുക എന്ന ലക്ഷ്യത്തോടെയാണ് ഫെബ്രുവരി 1 ന് കാസര്കോട് മുതല് തിരുവനന്തപുരം വരെ യുഡിഎഫ് പര്യടന പരിപാടികള് സംഘടിപ്പിക്കുന്നത്. ഫെബ്രുവരി 28 നാണ് പര്യടനത്തിന്റെ സമാപനം. തിരുവനന്തപുരത്ത് നടക്കുന്ന സമാപന പരിപാടിയില് സ്ഥാനാര്ത്ഥികളെ ഉള്പ്പെടുത്തി പൊതുയോഗം സംഘടിപ്പിക്കുന്ന നിലയില് പ്രവര്ത്തനങ്ങള് ഏകോപിപ്പിക്കാന് ആണ് നീക്കം. ഘടക കക്ഷികള് മത്സരിക്കുന്ന സീറ്റുകളിലെ സ്ഥാനാര്ഥികളെ സംബന്ധിച്ചും ധാരണയിലെത്താന് നിര്ദേശം നല്കിയിട്ടുണ്ടെന്നും കോണ്ഗ്രസ് നേതാവ് ദ ന്യൂ ഇന്ത്യന് എക്സ്പ്രസിനോട് പ്രതികരിച്ചു.
