മലപ്പുറം: നിലമ്പൂര് ഉപതെരഞ്ഞെടുപ്പില് പുതിയ മുന്നണിയുമായി പി വി അന്വര് ( P V Anvar ). ജനകീയ പ്രതിപക്ഷ പ്രതിരോധ മുന്നണിയുടെ കീഴിലാകും നിലമ്പൂരില് മത്സരിക്കുകയെന്ന് പി വി അന്വര് പറഞ്ഞു. പ്രതിപക്ഷ നേതാവ് തനിക്കു മുന്നില് യുഡിഎഫിന്റെ വാതിലുകള് അടച്ചതോടെ നിരവധി സംഘടനകളാണ് പിന്തുണ അറിയിച്ച് ബന്ധപ്പെട്ടത്. അവരുടെയെല്ലാം താല്പ്പര്യപ്രകാരമാണ് മുന്നണി രൂപീകരണമെന്ന് പി വി അന്വര് പറഞ്ഞു.
നിലമ്പൂരില് ഞങ്ങള് ഉയര്ത്തുന്ന മുദ്രാവാക്യം ജനകീയ പ്രതിപക്ഷ പ്രതിരോധ മുന്നണിയുടെ നേതൃത്വത്തിലാകും. തൃണമൂല് കോണ്ഗ്രസ് കേരളത്തില് രജിസ്റ്റര് ചെയ്തിട്ടില്ല. അതിന്റെയൊരു സാങ്കേതിക പ്രശ്നമുണ്ട്. അതിനാല് തൃണമൂല് കോണ്ഗ്രസ് ചിഹ്നത്തിനൊപ്പം സ്വതന്ത്ര ചിഹ്നത്തിനും അപേക്ഷിച്ചിട്ടുണ്ട്. തൃണമൂലിന്റെ ചിഹ്നം തള്ളിയാല്, സ്വതന്ത്ര ചിഹ്നത്തില് മത്സരിക്കുമെന്നും പി വി അന്വര് കൂട്ടിച്ചേര്ത്തു.
