വയനാട്ടില് ഉരുള്പൊട്ടലുണ്ടായ മുണ്ടക്കൈ, ചുരല്മല പ്രദേശങ്ങളിലെ അഞഉ 44, 46 എന്നീ റേഷന്കടകളിലെ മുഴുവന് ഗുണഭോക്താക്കള്ക്കും ഈ മാസത്തെ റേഷന് വിഹിതം പൂര്ണമായും സൗജന്യമായി നല്കുമെന്ന് ഭക്ഷ്യ പൊതുവിതരണ വകുപ്പ് മന്ത്രി ജിആര് അനില് അറിയിച്ചു.
മുന്ഗണനാ വിഭാഗക്കാര്ക്ക് നിലവില് സൗജന്യമായും മുന്ഗണനേതര വിഭാഗക്കാര്ക്ക് ന്യായവിലയ്ക്കുമാണ് റേഷന് നല്കി വരുന്നത്. ദുരന്തബാധിത പ്രദേശങ്ങളായ മുണ്ടക്കൈ, ചുരല്മല എന്നിവിടങ്ങളിലെ മുന്ഗണനേതര വിഭാഗക്കാരായ നീല, വെള്ള കാര്ഡുകളില് ഉള്പ്പെട്ട മുഴുവന് ഗുണഭോക്താക്കള്ക്കും കൂടി പൂര്ണമായും സൗജന്യമായി റേഷന് വിഹിതം നല്കാനാണ് നിര്ദ്ദേശം നല്കിയിട്ടുള്ളത്.