തിരുവനന്തപുരം: ഉരുള്പൊട്ടലിനെ തുടര്ന്ന് ദുരന്തഭൂമിയായി മാറിയ വയനാട് സന്ദര്ശിക്കുന്നതിനായി മുഖ്യമന്ത്രി പിണറായി വിജയന് തലസ്ഥാനത്തുനിന്ന് തിരിച്ചു. രാത്രിയോടെ കോഴിക്കോടെത്തുന്ന മുഖ്യമന്ത്രി വ്യാഴാഴ്ചയാകും വയനാട്ടിലെത്തുക. ദുരന്തബാധിതര് കഴിയുന്ന ക്യാമ്പുകളിലും ആശുപത്രിയിലും മുഖ്യമന്ത്രി വ്യാഴാഴ്ച സന്ദര്ശനം നടത്തും.
വയനാട് ദുരന്തത്തിന്റെ പശ്ചാത്തലത്തില് രാവിലെ അടിയന്തര മന്ത്രിസഭാ യോഗം ചേര്ന്നിരുന്നു. ഇതിന് ശേഷം ഉദ്യോഗസ്ഥരുടെ പ്രത്യേക യോഗവും ചേര്ന്ന ശേഷമാണ് മുഖ്യമന്ത്രി വയനാട്ടിലേക്ക് തിരിച്ചത്.
