കളിക്കുന്നതിനിടെ ഷാള് കഴുത്തില് കുടുങ്ങി അഞ്ചാം ക്ലാസ് വിദ്യാര്ഥിനിക്ക് ദാരുണാന്ത്യം. തൃശൂര് ചേലക്കര വട്ടുള്ളി തുടുമ്മേല് റെജിയുടെ മകള് എല്വിന റെജി (10) ആണ് മരിച്ചത്.
ഇന്നലെ രാത്രിയിലാണ് ദാരുണ സംഭവം. മുറിയില് ജനാലയുടെ അരികില് കളിച്ചു കൊണ്ടിരിക്കുകയായിരുന്ന കുട്ടിയുടെ കഴുത്തില് ഷാള് അബദ്ധത്തില് കുരുങ്ങുകയായിരുന്നു. പുറത്ത് പോയി തിരിച്ചെത്തിയ അച്ഛന് റെജിയാണ് കുട്ടിയെ ഷാള് കഴുത്തില് കുരുങ്ങിയ നിലയില് കണ്ടെത്തിയത്.
ഉടന് ചേലക്കരയിലെ സ്വകാര്യ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. തിരുവില്വാമല ക്രൈസ്റ്റ് ന്യൂ ലൈഫ് ഇംഗ്ലീഷ് മീഡിയം സ്കൂളിലെ വിദ്യാര്ഥിനിയാണ്.
