തിരുവനന്തപുരം: നിയമസഭാ തെരഞ്ഞെടുപ്പിന് മുന്നോടിയായി വോട്ടര്പ്പട്ടികയില് പേരു ചേര്ക്കാന് അവസരം. നാമനിര്ദേശ പത്രിക സമര്പ്പിക്കാനുള്ള അവസാന തീയതി വരെ പുതിയ അപേക്ഷകള് നല്കാം. 18 വയസ് പൂര്ത്തിയാകുന്ന ആര്ക്കും രജിസ്റ്റര് ചെയ്യാം. voters.eci.gov.in വെബ്സൈറ്റ് വഴിയോ ‘വോട്ടര് ഹെല്പ്പ് ലൈന്’ മൊബൈല് ആപ്ലിക്കേഷന് മുഖേനയോ ഓണ്ലൈനായി വേണം അപേക്ഷിക്കാന്.
വെബ്സൈറ്റിലെ ന്യൂ വോട്ടര് രജിസ്ട്രേഷന് ലിങ്കില് പ്രവേശിച്ച് ഫോം 6 പൂരിപ്പിക്കണം. പ്രവാസി വോട്ടര്മാര്ക്ക് ഫോം 6എയുമുണ്ട്. അര്ഹരായ മുഴുവന് ആളുകളും വോട്ടവകാശം വിനിയോഗിക്കാന് പട്ടികയില് പേര് ഉറപ്പാക്കണമെന്ന് മുഖ്യ തെരഞ്ഞെടുപ്പ് ഓഫീസര് പറഞ്ഞു.
ഇക്കാര്യങ്ങള് ശ്രദ്ധിക്കുക:
അപേക്ഷയോടൊപ്പം കളര് പാസ്പോര്ട്ട് സൈസ് ഫോട്ടോ, വയസ്, വിലാസം തെളിയിക്കുന്ന രേഖകള് അപ്ലോഡ് ചെയ്യണം
അടുത്ത ബന്ധുവിന്റെ തിരിച്ചറിയല് കാര്ഡ് നമ്പറും മൊബൈല് നമ്പറും വേണം
ബിഎല്ഒമാര് നേരിട്ടെത്തി പരിശോധിച്ചാണ് പേര് ഉള്പ്പെടുത്തുക
