ന്യൂ ഹോപ്പിലെ ഒരു സ്വകാര്യ എസ്റ്റേറ്റിൽ വെള്ളം തിരിച്ചുവിടുന്നതിനായി പോയതായിരുന്നു മണി. ഈ സമയത്ത് അപ്രതീക്ഷിതമായി കാട്ടാന ആക്രമിക്കുകയായിരുന്നു. കൂടെയുണ്ടായിരുന്ന മറ്റൊരാൾ ഓടി രക്ഷപ്പെട്ടതിനാൽ ജീവൻ തിരിച്ചുകിട്ടി.
അക്രമണത്തിൽ ഗുരുതരമായി പരിക്കേറ്റ മണി സംഭവസ്ഥലത്തുവെച്ചുതന്നെ മരണപ്പെട്ടു. വിവരമറിഞ്ഞെത്തിയ വനംവകുപ്പ് ഉദ്യോഗസ്ഥരും പോലീസും സ്ഥലത്തെത്തി മേൽനടപടികൾ സ്വീകരിച്ചു. ഈ പ്രദേശങ്ങളിൽ വന്യമൃഗശല്യം രൂക്ഷമാണെന്നും, മനുഷ്യജീവന് സംരക്ഷണം നൽകാൻ അധികൃതർ അടിയന്തര നടപടി സ്വീകരിക്കണമെന്നും നാട്ടുകാർ ആവശ്യപ്പെട്ടു.
