കഴിഞ്ഞമാസം ബെംഗളുരുവിലെ രാമേശ്വരം കഫേയില് നടന്ന സ്ഫോടനത്തിന്റെ ആസൂത്രകരായ രണ്ടുപോര് ബംഗാളില് എന്ഐഎയുടെ പിടിയിലായി. പശ്ചിമബംഗാളിലെ കിഴക്കന് മിഡ്ണാപൂര് ജില്ലയിലെ കാന്തിയില് നിന്നാണ് ഇരുവരും പിടിയിലായത്.
മുസാവീര് ഹുസൈന് ഷാഹേബ്, അബ്ദുള് മത്തീന് താഹ എന്നിവരാണ് കേന്ദ്ര ഇന്റലിജന്സ് ഏജന്സി, വിവിധ സംസ്ഥാന പൊലീസ് സേന എന്നിവരുടെ സഹായത്തോടെ പിടികൂടിയത്. പ്രതികളെ കൊല്ക്കത്തിലേക്ക് കൊണ്ടുപോയിതായി ഭീകരവാദവിരുദ്ധ ഏജന്സി അറിയിച്ചു.
കിട്ടിയ തെളിവുകളുടെ അടിസ്ഥാനത്തില് ഷാഹേബാണ് സ്ഫോടക വസ്തു സ്ഥാപിച്ചതെന്ന് വ്യക്തമായിട്ടുണ്ട്. താഹയാണ് സ്ഫോടനത്തിന്റെ സൂത്രധാരനും മറ്റുപ്രതികളെ രക്ഷപ്പെടാന് സഹായിച്ചതും. സംഭവത്തിലെ രണ്ടും മൂന്നും അറസ്റ്റാണിത്. കഴിഞ്ഞ മാസം മുസാമില് ഷെരീഫ് എന്നയാളെ ഇവരെ സഹായിച്ചതായി കണ്ടെത്തിയതിന് പിന്നാലെ പിടികൂടിയിരുന്നു.
