പൃഥ്വിരാജ് നായകനായ ചിത്രമായ ആടുജീവിതത്തിന് കേരളത്തിനു പുറത്തും മികച്ച പ്രതികരണമാണ് ലഭിക്കുന്നത്. മലയാളത്തിന്റെ എക്കാലത്തെയും വന് ഹിറ്റ് ചിത്രമായി ചിത്രം മാറിയേക്കുമെന്നാണ് പ്രതീക്ഷ.
ഞായറാഴ്ച പൃഥ്വിരാജിന്റെ ആടുജീവിതം സിനിമയുടെ ടിക്കറ്റ് വില്പനയിലും വന് കുതിപ്പാണ് രേഖപ്പെടുത്തിയതെന്നാണ് സിനിമാ ട്രേഡ് അനലിസ്റ്റുകളുടെ റിപ്പോര്ട്ട്.
ടിക്കറ്റ് വില്പനയില് ബുക്ക് മൈ ഷോയില് നിന്നുള്ള കണക്കുകളിലാണ് ആടുജീവിതം നേട്ടമുണ്ടാക്കിയത്. 24 മണിക്കൂറിലെ ആകെ ടിക്കറ്റ് വില്പനയില് പൃഥ്വിരാജിന്റെ ആടുജീവിതം രണ്ടാമതാണ്.
ഞായറാഴ്ച പൃഥ്വിരാജിന്റെ ആടുജീവിതത്തിന്റെ 106000 ടിക്കറ്റുകളാണ് വിറ്റത്.ബുക്ക് മൈ ഷോയില് 107000 ടിക്കറ്റുകള് വിറ്റ ഗോഡ്സില്ല x കോംഗ ആണ് ഇന്ത്യയില് ഒന്നാം സ്ഥാനത്ത്.
ബോളിവുഡില് നിന്നുള്ള ക്രൂവിനെയാണ് ടിക്കറ്റ് വില്പനയില് പൃഥ്വിരാജിന്റെ ആടുജീവിതം മറികടന്നത്. മൂന്നാം സ്ഥാനത്തുള്ള ക്രൂവിന്റെ 83000 ടിക്കറ്റുകളാണ് ബുക്ക് മൈ ഷോയില് വിറ്റത്. കരീനയും തബുവും കൃതിയും ഒന്നിച്ച ചിത്രമായ ക്രൂ ആഗോളതലത്തില് ആകെ 100 കോടി രൂപയിലധികം നേടിയിരുന്നു.
