പിണറായി വിജയൻ മുഖ്യമന്ത്രി ആയാൽ സന്തോഷമുണ്ട്, മൂന്നാമൂഴം സഫലമാകില്ലെന്നാണ് പറഞ്ഞതെന്ന് ജി സുധാകരൻ. അവധിയുടെ സാഹചര്യത്തിൽ നോമിനേഷൻ നൽകുന്നത് നീളാൻ സാധ്യത. മൂന്ന് ദിവസം കൂടി നോമിനേഷൻ നൽകാൻ സമയം അനുവദിക്കണം. പത്രികകളിൽ പിശകുണ്ട്. കോണ്ഗ്രസ് നേതാക്കൾ വീട്ടിൽ എത്തി. സ്വീകരണം നൽകി. അവർ എനിക്ക് വേണ്ടി പ്രവർത്തിക്കുന്നു. പിന്തുണയുടെ കാര്യം അവരോട് ചോദിക്കണം. ഞാൻ ജനകീയ സ്വാതന്ത്ര സ്ഥാനാർഥിയാണ്. എന്നെ സഹായിക്കാൻ രാഷ്ട്രീയ പാർട്ടികൾക്ക് മുന്നോട്ട് വരാം. ‘നിലപാട് മാറ്റിയില്ല ‘.
പിണറായി വിജയൻ മുഖ്യമന്ത്രി ആയാൽ സന്തോഷമുണ്ട്. നിലവിലെ രാഷ്ട്രീയ സാഹചര്യത്തിൽ ജനം വോട്ട് ചെയ്യില്ല. ഇലക്ഷൻ കമ്മറ്റിയില്ല, വലിയ പ്രചരണമില്ല. എനിക്ക് പിന്തുണ തരുന്നവർ എന്തേലും ചെയ്താൽ എനിക്ക് അറിയില്ല.അമ്പലപ്പുഴയിൽ യുഡിഎഫ് നേതാക്കൾ പിന്തുണ അറിയിച്ചു. യുഡിഎഫ് പിന്തുണ സ്വീകരിക്കുമെന്നും അദ്ദേഹം അറിയിച്ചു.
ചേർത്തലയിൽ പോയി പി പ്രസാദിനെതിരെ പ്രസംഗിക്കും. പി പ്രസാദ് എന്നേ കമ്മ്യുണിസം പഠിപ്പിക്കുന്നു. അവിടെ പോയി അയാളെ തോല്പിക്കാൻ പറയാൻ എനിക്ക് അവകാശമുണ്ട്. കഴിഞ്ഞ തവണ കേവലം ആറായിരത്തോളം വോട്ടിനാണ് അയാൾ ജയിച്ചത്. എനിക്കെതിരെ അഭിപ്രായം ചോദിച്ചത് ആലപ്പുഴയിലെ പൊളിറ്റക്കൽ ക്രിമിനളുകളോട്.
എനിക്ക് പാർലമെന്റ് വ്യാമോഹം എന്ന് പറയുന്നവർക്ക് നാണവും മാനവും ഉണ്ടോ. മത്സരിക്കുന്ന ആർക്കും ഒരു വ്യാമോഹവുമില്ലേ?. ആറാം തവണ ആലുവയിൽ പോയി മത്സരിക്കുകയാണ് എ എം ആരിഫ്. ആരിഫിന് വ്യാമോഹം ഇല്ലേ. സജി ചെറിയാൻ മൂന്നാം തവണ. പ്രതിഭ മൂന്നാം തവണ. വാസവൻ മൂന്നാം തവണ. ഇതൊന്നും വ്യാമോഹം അല്ലെ? എന്നും അദ്ദേഹം ചോദിച്ചു.
