തിരുവനന്തപുരം: എഡിജിപി എം ആര് അജിത് കുമാറിന് വീണ്ടും രാഷ്ട്രപതിയുടെ വിശിഷ്ട സേവാ മെഡലിന് ശുപാര്ശ. ആറാം തവണയാണ് വിശിഷ്ട സേവാ മെഡലിന് അജിത് കുമാറിനെ ഡിജിപി ശുപാര്ശ ചെയ്യുന്നത്. എന്നാല് ഇന്റലിജന്സ് ബ്യൂറോ റിപ്പോര്ട്ട് അജിത് കുമാറിന് എതിരായ സാഹചര്യത്തില് അഞ്ചുതവണയും കേന്ദ്രം മെഡല് നിരസിക്കുകയായിരുന്നു.
അനധികൃത സ്വത്ത് സമ്പാദനക്കേസില് വിജിലന്സ് അജിത് കുമാറിനെ കുറ്റവിമുക്തനാക്കിയതിനു പിന്നാലെയാണ് ശുപാര്ശ. സംസ്ഥാനത്തിന്റെ അടുത്ത ഡിജിപിയാകാന് സാധ്യതയുള്ളവരുടെ പട്ടികയില് അജിത് കുമാറും ഉള്പ്പെട്ടിരിക്കെയാണ് ഡിജിപിയുടെ നടപടി. അജിത് കുമാറിന്റെ ജൂനിയര് ഉദ്യോഗസ്ഥര്ക്കുവരെ മെഡല് ലഭിച്ചിരുന്നു.
